~बाबुराम पन्थी ‘गुल्मेली’
~
बाबा आमाले
सन्तानको आगमन पछी
उसको भविष्य माथी देखेको सपना
पुरा गर्न नसकेर पराजित !
दाजु भाई दिदी बैनीहरूका
रगतको नाताले हुने
ऊ माथीका भरोषाहरू
पुरा गर्न नसकेर पराजित !
आफ्ना आफन्तहरूको
प्रशंसाको पात्र हुनुको बदला
उनिहरूको प्रतिशोध
खेप्न नसकेर पराजित !
जिवन साथीको माँयामा रमाउने
आफ्ना चाहानाहरू कुण्ठित बनाएर
उनका विविध इच्छ्याहरू
संबोधन गर्न नसकेर पराजित !
आफैले यो संसारमा जन्म दिएका
आफ्नै सन्तानहरू बाट
उनिहरूको आधुनिकता
स्वीकार गर्न नसकेर पराजित !
देशको नागरिकको हैसियतले
समाज र राष्ट्रले खोज्ने
आफ्नो भूमिका र योगदान
दिन नसकेर पराजित !
ती पराजयहरू माथी विजय प्राप्तिको लागी
हड्डी र छाला घोट्दा पनी
आफू आफैले चाहे जस्तो हुन नसकेर
अन्त्यमा
मान्छे मृत्यु संग पराजित !
बाबुराम पन्थी ” गुल्मेली ”
तम्घास गुल्मी
(स्रोत : रचनाकार स्वयंले ‘Kritisangraha@gmail.com‘ मा पठाईएको । )
