गजल : बात प्रिय हुन्छ !

~सजना गुरुङ~

पीरव्यथा निको पार्ने बात प्रिय हुन्छ !
दुख पर्दा साथ दिने हात प्रिय हुन्छ !

सुन्दरतामा मख्ख पर्दै फूल टिप्न खोज्दा
काँडा बन्दै घोचे पछि पात प्रिय हुन्छ !

खुशी छर्दै बिहानी त्यो आउनेछ छिट्टै
अर्थ जाने अधेंरी त्यै रात प्रिय हुन्छ !

चुन्नु हुन्न मृत्यु कैले मुक्ति भेट्छु भन्दै
लड्दै बाँच्न सिक्यौं भने घात प्रिय हुन्छ !

कुश्मा , पर्वत
हाल इजरयल

(स्रोत : रचनाकारको ब्लगबाट सभार)