~प्रकाश रम्घाली~
मनभित्रै प्रेमको बस्ति बसाउन चाहाने
तर-
छातीको बाँयापट्टी
शान्तिको परेड खेल्न असमर्थ
क्यानम !
लाहुरे मुटु पनि थियो- एक जमनामा ।
पुरानो घरको बार्दलीमा बसेर
बाटोमा कामुक आँखा ओछ्याउने वयस्क घाम
र, पिपलको हाँगामा झुड्डिएर
हरेकदिन अश्लिल प्रेम प्रस्ताव राख्ने
क्यानम् !
लाहुरे समय पनि थियो- एक जमनामा ।
सितन बिनै लोकल रक्सी घुट्क्याएर
ओठमाथि लामो जुंगा मुसार्दै थानामा
आफ्नै विचारलाई बन्दी बनाउने
क्यानम् !
लाहुरे थानेदार पनि थियो- एक जमनामा ।
जनता मरुन कि बाँचुन ?
तर-
दरवारमा हरेक साँझ भोज खुवाएर
मध्यरातमा साईरन बजाउदै फर्कने
क्यानम् !
लाहुरे सरकार पनि थियो- एक जमनामा ।
