~अरुणबहादुर खत्री “नदी”~
प्यारो लाग्छ हामीलाई
आफू जन्मेको यो देश
थरीथरीका छन् यहाँ
आफ्नै भाषा र भेष ।
गौतम बुद्ध जस्ता
शान्तिका अग्रदूत जन्मे यही देशमा
गोर्खालीमा वीरता झल्किन्छ
यही राष्ट्रिय भेषमा ।
आफ्नै देशका सन्तान
सहिद बनेका छन्
जननीको आशीर्वादले गर्दा
दुश्मनलाई हराएका छन् ।
आफू जन्मेको देशको
सुन्दरता मनपर्छ हामीलाई
बस्नुपर्छ हामी सबै नेपाली
यही देशमा पौरख चलाई ।
– सामाखुसी मार्ग, ९३५/५४,
काठमाडौं (नेपाल)
(स्रोत : मुना २०६६ असोज)
