~सुरज लम्साल~
गरीबको पिठ्यूँमा भारी छ अझै
वर्गसङ्घर्ष देशमा जारी छ अझै
लोकतन्त्र अनि गणतन्त्र आएपनि
घुसखोरीदेखि अत्याचारी छ अझै
जोत्नेले जोतेकै छ सदियौँ देखि नै
साहुकै नाममा नै खेतबारी छ अझै
सहरभरि ठूल्ठूला महलहरू बनेपनि
गल्लीगल्ली लाखौँ भिखारी छ अझै
उत्थानका कुराहरू जति धेरै उठेपनि
पुरूषभन्दा निकै पिडित नारी छ अझै
– सुरज लम्साल
किहुँ ६ तनहुँ
(स्रोत : रचनाकार स्वयंले ‘Kritisangraha@gmail.com‘ मा पठाईएको । )
