गजल : छटपटीमा रात बित्यो

~डा. दुबसु क्षेत्री~

छटपटी छटपटीमा रात बित्यो
कुतकुती कुतकुतीमा बात बित्यो

आँखामा आँखा ओठमा ओठ
एकै झमटमा यौवनको बात बित्यो

नजर हेर्दा नजर झुके अधर चुम्दा अधर
केही भन्न नपाउँदैमा बात बित्यो

तिम्रो कथा नसिधिंदै सबै ताराहरू झरे
आफ्नो कथा शुरु नहुँदैमा रात बित्यो

कुरा गर्दा गर्दै भाले बास्यो
उफ्, केही हुन नपाई सुहागरात बित्यो

(स्रोत : साहित्य सङ्ग्रहालयले यु-ट्युबको भिडियोबाट टाईप गरिएको)