गजल : भरेछौ नि सानु

~तिलक अनुरागी~

खाली सिँउदो सिन्दुरले भरेछौ नि सानु।
मलाइ छोडी तिम्ले बिहे गरेछौ नि सानु॥

तिम्रै घरको मझेरीमा ढुनमुनाउछु भन्थेउ।
तर आज अन्तै बसाँइ सरेछौ नि सानु॥

मत थोत्रो साइकलमा घुमाउँथे हैन !
बल्ल बाइक हुनेसँग परेछौ नि सानु॥

मेरै दिलको बगैँचामा फक्रिएर तिमी।
पराइको आँगनीमा झरेछौ नि सानु॥

किनारमा कुरिरहे तिम्रो बाटो हेरिरहे ।
झुक्याएर एक्लै खोला तरेछौ नि सानु॥

झापा, तोपगाछी