~दिनेश श्रेष्ठ~
तिमी हाँसेर गयौ तिमी डोलीमा गयौ
सोह्र श्रृङ्गार गरी रातो चोलीमा गयौ
वाचा तिमीले खाथ्यौ देउरालीमा सयौँ
आज दिएर धोका एकै बोलीमा गयौ
ठूला महलभित्र तिम्रो सपना रै’छ
बज्दै हजार बाजा भव्य टोलीमा गयौ
थरै न्याउली रोला धेरै रुने मै भएँ
देखेँ हाँसेको खुबै त्यस्तै भोलिमा गयौ
लड्दै पिउँदै उठ्दै हिँड्छु सडकमा म
तिमी बनेर रानी सुखी खोलीमा गयौ
मन्थलि-४,रामेछाप
हाल – गठ्ठाघर,भक्तपुर, नेपाल
(स्रोत : रचनाकारको ब्लगबाट सभार)
