~पलपल मोक्तान~
फोटो हेरी बस्छु म त मुहार देख्न कहिले आउने होला
सात समुन्द्र पारी छ मेरो माया फर्की कहिले आउने होला
सबैले भन्ने गर्थे क्या गजबको जोडी हेर
फेरी पनि उनको र मेरो जोडी क्या सुहाउने होला
पर्खी बस्छु म त सँधै तितामीठा कुराहरु सुन्नलाई
मधुर माया दिँदै मिठा खाना उनकै हातले खुवाउने होला
मित्रहरु भन्छन् होला फुलोस् फलोस् यो जोडी
उनको मेरो सत्रुले देखे भने कुरा काट्दै च्याउने होला
प्रतिक्षामा नै बस्यो ‘पलपल’ उनि आउने दिन गनी
आएपछी मायाको बलियो घरजग बनाउने होला
पलपल मोक्तान
प्रिती – २, रामेछाप
(स्रोत : रचनाकार स्वयंले ‘नयाँ रचना पठाउनुहोस्‘ बाट पठाईएको । )
