बहरबद्ध गजल : कहानी अनेकौं बनाएर जाऊ

~रेनुका पौडेल “आहत”~

कहानी अनेकौं बनाएर जाऊ
लताको घडी नै समाएर जाऊ

तिमीले मलाइ रुवाइ गएसी
म भाको छु मुर्दा हसाएर जाऊ

तिमी आफु निर्दोष साबित भएनी
विचारिक छ धन्दा रचाएर जाऊ

तिमी जाउ सिन्दुर हाली उसैको
ति जन्ती मलामी जुटाएर जाऊ

चितामा जलाइ तिमिले मलाई
भए अस्तु टिका लगाएर जाऊ

बहर:-मुतकारिब मुसम्मन सालिम
रुक्न:- फऊलुन् गुणा चार

(स्रोत : बिश्व नेपाली साहित्य महासंघ शाखा साउदी अरब – फेसबुक पेज)