~भूपी शेरचन~
यो नेपाली शीर उचाली संसारमा लम्किन्छ
जुनकिरी झैं ज्योति बाली अन्धकारमा चम्किन्छ
चाहे झुकोस निलो आकास यो नेपाली झुक्दैन
चाहे रुकोस् चिसो बतास यो नेपाली रुक्दैन
एकातिर तराईको चारकोसे झाडी छ
अर्कोतिर उच्च शीर ठुल्ठुला पहाडी छ
जन्मे यहीं गौतम बुद्ध शान्तिका अग्रदूत
सगरमाथा बिजय गर्ने यही देशका हुन सपूत
शब्द – भूपि शेरचन
स्वर – प्रकाश श्रेष्ठ, लोचन भट्टराई, सपनाश्री, यम बराल
संगीत – नातीकाजी
एल्बम – गाउँछ गीत नेपाली
