~बुद्धवीर लामा~
चोली राम्रो पाल्पाली ढाकाको
हेराइ राम्रो मायालु आँखाको
झिल्के मजुर
ख्याल माया लाग्दैन हो तिम्रै हजुर
न्याँनोमा न्याँनो पस्मिना बर्को काठमाण्डौं शहरको
ल्याइदेऊ न साँइला हात पटासे भादगाउले खाँडीको
वैंश मिठो सोह्र र सत्रको
माया मिठो त्यो मन भित्रको
झिल्के मजुर
ख्याल माया लाग्दैन हो तिम्रै हजुर
रोदीमा खुल्ने मखमली ढलेक पोखरा शहरको
ल्याइदेऊ न साँइला आङ्गी र पङ्दिन सोलु है खुम्बुको
पानी मिठो त्यो ढुंगे धाराको
माया मिठो नेपाली पाराको
झिल्के मजुर
ख्याल माया लाग्दैन हो तिम्रै हजुर
शब्द – बुद्धवीर लामा
स्वर – कुन्ती मोक्तान
संगीत – शीलाबहादुर मोक्तान
एल्बम – चोली राम्रो पाल्पाली ढाकाको
