~बिनिता रिमाल~
जानु थियो जहाँ मलाई गएर पनि फर्किएछु,
केही ल्याउने आशा थिएन तर म त रित्तिएछु,
कसरी म पुगे त्यहाँ कस्ले मलाई लग्यो त्यहाँ,
यात्रा कस्तो भयो कुन्नी कस्ले भनिदेला यहाँ,
पुगेर पनि फर्किसके सम्झिदा त झस्किएछु,
केही ल्याउने आशा थिएन तर म त रित्तिएछु,
हिंडे थिए पाइला हरु अर्कै ठाउ पुग्छु भनि,
बिच मा पुगि अल्मलियो कहा कता जाउ भनि,
कहिले नपुगेको ठाउ पुग्दा त तर्सिएछु,
केहि ल्याउने आशा थिएन तर म त रित्तिएछु
जानु थियो जहा मलाइ गएर पनि फर्किएछु,
केहि ल्याउने आशा थिएन तर म त रित्तिएछु ।
(स्रोत : संगालो न्यूज़)
