~भिम बहादुर थापा~
आफ्नो व्याथा आफै लेख्छु, संझी कस्ले केर्दिन्छ र
फूलैफूल् ले मेरो घर, सित्तै कस्ले घेर्दिन्छ र
**
तागत् हुञ्जेल तपाईं भएँ, रागले सँधै रोजाई भएँ
निभ्दै गा’छ ऐले आगो, मेरो कस्ले हेर्दिन्छ र
**
सक्ने हुँदा शत्-सहारा, बल् हुँदा म बल्दो भएँ
जिर्ण भा’को मेरो दलिन्, आज कस्ले फेर्दिन्छ र
**
हाँक्ने हुँदा हाम्रो भएँ, दिलको साह्रै राम्रो भएँ
नाङ्गो आङ्मा यौटा झुत्रो, आज कस्ले बेर्दिन्छ र?
** **
भिम बहादुर थापा
वासिङ्टन, अमेरिका।
(स्रोत : रचनाकारको ब्लगबाट सभार)
