कविता : आमा शहिद बनिरहेछिन

~बसन्त थापा~

आफु देखी टाढा गएको सन्तानको
चिरायुको कामना गर्दै प्रतेक दिन
दियो जलाउन पल पल आमा
आसु थपीरहेछिन

दियो जलिरहेछ आमाको मन
तड्पिरहेछ,एक मुठ्ठी उज्यालो सङ्गै
उज्वल भबिस्यको आराधाना गर्दै आमा
आफ्नो चाहना सन्तानको सुखको लागि
जलाइरहेछिन

आफु बिर्सेंर देश र जनता भनेर मर्ने
वीर झै आमा सन्तानको लागि आफ्ना
हरेक पल दियोमा थपिरहेछिन
ज्यान भरिरहेछिन,दियो जलाइरहेछिन
दियो बनेर आमा धपक्क बलिरहेछिन
अन्धकार हटाउन उज्यालो बनेर
जुनिभर आमा शहिद बनिरहेछिन

November 3, 2008
Maryland,USA

(स्रोत : माइ संसार डट कम)