~आभास~
अँध्यारोमा जुनकिरीको साथ प्यारो लाग्यो
शिखर भने अझै टाढा यात्रा प्यारो लाग्यो
बाटोभरी कति भेटें, यात्री सहयात्री
कति छुटे फेदीमा नै, कति चढे माथि
नरोकिए दु:खमा म, नरोकिएं पीरमा
कहिले पुगें देउरालीमा, कहिले पुगें भीरमा
शिखर भने अझै टाढा यात्रा प्यारो लाग्यो
फेरी पनि झेल्नु पर्ला, कैयौं बाधा अड्चन
म त यात्री फुकाउँदै जान्छु सबै वन्धन
तिम्रो पनि शिखर चढ्ने मन भए आऊ
जहाँसम्म मन मिल्छ हामी सँगै जाउँ
शिखर भने अझै टाढा यात्रा प्यारो लाग्यो
***********
