~एकु घिमिरे~
नाङ्लो भए केलाउँथे डालो के गर्नु र ?
साली भए भेट्न आउँथे ,सालो के गर्नु र ??
‘रातो राम्रो , गुलियो मिठो’ भन्ने उखानै छ
सेतो भए पनि हुन्थ्यो , कालो के गर्नु र ??
म सभासद , मेरो नाममा राहत लुगाफाटो ??
राम्रो भए आँफै लाउँथे , टालो के गर्नु र ??
पहिले पो दु:ख थियो , माछा मार्नुपर्थ्यो
यतिबेला ढडिया र जालो के गर्नु र ?
पँधेरीमा आएँ भने म नि’ पैला थाप्छु
‘जस्को शक्ती,उस्को भक्ती’ पालो के गर्नु र ??
(स्रोत : रचनाकार स्वयंले ‘नयाँ रचना पठाउनुहोस्‘ बाट पठाईएको । )
