~दिपेन्द्र राई ‘अश्रुमाली’~
ढुङगा फोर्छु माटो खन्छु घर बनाउँछु ।
बिकट भो रे मेरो गाउँ शहर बनाउँछु ।।
छिन् भर मै लुटिन्छन् मनकारी गाउँलेहरु ।
अब गाउँले मन पनी पत्थर बनाउँछु ।।
परिश्रमको पसिनाले जिउ भिजी गनाउँदा ।
पसिनाको मूल्य बेच्छु अत्तर बनाउँछु ।।
चाहिंदैन पिजा बर्गर जानु छैन डिस्को ।
गुन्द्रुक ढिडो बाट घरमै दर बनाउँछु ।।
मेची काली कर्णाली बिदेसिकै हुन्छ भने ।
सित्तै बग्ने पानी सुकाइ बगर बनाउँछु ।।
–दिपेन्द्र राई ‘अश्रुमाली’
खोटाङ छोरम्बु
(स्रोत : सामुन्द्रिक छल्का (सामुहिक गजल सङ्ग्रह ))
