~आचार्य प्रभा~
तिम्रो मायाको तापले यो मनले न्यानो चाह्यो प्रवास
तिम्रो मीठो सामिप्यताले मनले राहत पायो प्रवास।
उजाड थियो मनको पाखा मेरो ,निरश थियो बैँश पनि
अनायस तिम्रो आगमनले हरियाली छायो प्रवास ।
उदासी नै साथ थियो,थिएन कहिल्यै मन खुशी
जब संघार टेक्यौ दिलको मनले गीत गायो प्रवास।
सोँच्न थाल्यो मनले अब,भुल्ने छैन उस्लाई भनी
तिमीसङै समाहित भएर कसम मनले खायो प्रवास ।
(उक्त शिशु गजलमा मैले प्रवासको नाम रदिफको रुपमा पैँचो लिएकी छु आपत्ति नहोला भन्ने आशामा )
(अमेरिका)
(स्रोत : कविता कुसुम)
