गजल : यादमा भुलेर

~सुनिता सापकोटा~

गरेर प्रेमको उदय यादमा भुलेर
बिताउदै छु समय यादमा भुलेर

आफ्नो अवस्था थाहा पाउन गाह्रो
हुन थाल्यो महासय यादमा भुलेर

राख्दैछ मनले अचेल रहर बढाउदै
सपना र लक्ष्य तय यादमा भुलेर

कुनै दिन आफैलाई नै नचिन्ने कुरा
हुँन सक्नेछ निश्चय यादमा भुलेर

हरेक दिन किन हो अधुरै हुँदैछन्
कामकाज कतिपय यादमा भुलेर

सुनिता सापकोटा
भोजपुर , चरम्बी
हाल काठमाडौ