~राकेश कार्की~
कहिले काहीँ चिसोलेनि पोल्दोरहेछ
जति आँसु हाले पनि बल्दोरहेछ
याद आखिर यादै त हो
यो किन आउछ
चल्न नदिइ मुटु एक्लै
के लिन आउछ
भैगो भन्दानि मनमा कुरो खेल्दोरहेछ
कहिले काहीँ चिसोलेनि पोल्दोरहेछ
चित्त आखिर चोट लागे
दु:खी नै रहन्छ
को र आफन्त त्यतिखेर
आफै नै सहन्छ
चकमन्न सुनसाननि बोल्दोरहेछ
कहिले काहीँ चिसोलेनि पोल्दोरहेछ
इन्जिनियर राकेश कार्की
लस एन्जेलस
(स्रोत : रचनाकार स्वयंले ‘Kritisangraha@gmail.com‘ मा पठाईएको । )
