~हिरालाल तण्डुकार~
मेरै सगरमाथा छैन मैले चढेको,
हिमालको हिउँ कस्तो हुन्छ ? छैन मैले छोएको ।।
मेरै नेपाल सकल छैन मैले घुमेको,
को कहाँ के–कस्ता छन् छैन मैले जानेको ।।
हिमाल, पहाड, तराई मैले बुझेको एकै,
यी अलग–थलग भएको छैन मैले देखेको ।।
के हो जनसेवा छैन मैले जानेको,
तथापि हिँड्छु सक्दो मद्दत गरी सबैको ।।
दुखाइनँ जस्तो लाग्छ देशहितमा कपाल,
तैपनि भन्छु म सबैलाई ‘जय नेपाल’ ।।
– थापाथली, काठमाडौं
(स्रोत : घटना र विचार राष्टि्य साप्ताहिकको इन्द्रेणी)
