~लिल बहादुर खत्री ‘ललित’~
म आज सोच्दै छु मान्छे वस्ने घर कस्तो हुनु पर्ला
कल्पना गर्दैछु असल मान्छेको रहर कस्तो हुनु पर्ला ।
मान्छेहरु मानवियताको छायावाट पर-पर सर्दै छन
मान्छे नै मान्छेले बनाएको शहर कस्तो हुनु पर्ला ।
जिन्दगी जिउने कला सबैको आ-आफ्नै हुदोरहेछ
मान्छे भित्रको मान्छे जोख्ने तराजु कस्तो हुनुपर्ला।
दुई दिनको जिन्दगीमा व्यर्थैमा रिस राग किन गर्ने ?
बेदनाहरु हटाएर खुसी साट्दाको पहर कस्तो हुनुपर्ला ।
शंकाको वातावरण हटाएर विश्वासको दियो वाल्नेकी ?
एकताको सुत्रमा वाधिएका मान्छेको लहर कस्तो हुनुपर्ला ?
(स्रोत : रचनाकार स्वयंले ‘नयाँ रचना पठाउनुहोस्‘ बाट पठाईएको । )
