~टिका खड्का ‘राष्ट्रप्रेमी’~
हिजो फुट्ने सिसा थिएँ आज पत्थर भएँ भन्छ ।
एउटा मान्छे मृत्यु जिती सदा अमर भएँ भन्छ ।।
.
हजारौँले चोखो प्रीति सजाएर गएदेखी ।
मुटु पनि पिरतीको रंगिन् शहर भएँ भन्छ ।।
.
जबदेखी पानी सँग नाता टुट्यो मुहानको ।
सुसाउदै बग्ने नदी सेती बगर भएँ भन्छ ।।
.
जवानीले मात्तिएको गुलाबको बातै मिठो ।
भँवराले चुमेपछि झनै सुन्दर भएँ भन्छ ।।
.
छातीभित्र देश बोकी पौरख गर्छ “राष्ट्रप्रेमी”।
पसिना चै माटो चुम्दै हाँस्दै अत्तर भएँ भन्छ ।।
मधुमल्ला – ४, मोरङ
