कविता : राष्ट्रसेवाः मेरो कर्म

~अरुणबहादुर खत्री “नदी”~

आफू जन्मेको देशको
माटोको सेवा गरिरहन पाउँ
सुखी जीवन बिताएर
सधैंभरि बाँचिरहन पाउँ ।

लोभलालच छैन मलाई
सानो ठूलो केहीको पनि
यो देश सधैं बाँचिरहोस्
आफू मरे पनि ।

मातृभूमिको सेवा गर्ने
मेरो ठूलो धोको
सधैँभरि पूरा होओस्
इच्छा मेरो मनको ।

राष्ट्रको सेवा गरेर
आर्जन गर्छु धर्म
जनतालाई खुसी राख्ने
मेरो एउटै कर्म ।

– सामाखुसी मार्ग, काठमाडौं (नेपाल)

(स्रोत : जनकपुर डट कम)