~प्रकाश बस्नेत~
चामल छैन भकारीमा खाना मेरो हलुवा भयो
अमिरको धन हीरा, मेरो चाहिँ बालुवा भयो ।
ब्रेकफास्टमा केक कफी खान्छन् रे पैसावाल
मेरो मुखमा मीठो पिठो खाजा पुवा भयो ।
क्यासिनो के हो कस्तो होला कौतुहल हुन्छ मनमा
चाडबाडमा भुल्ने रम्ने साधन तासजुवा भयो ।
पानी होइन वाटर खान्छन् रे रातिचाहिँ क्वाटर
पानी भने नि वाटर भने नि मेरो तिर्खा कुवा भयो ।
धनी धनमा सवार म कल्पनामा उड्छु
उनको गति खरायो झैं मेरो गति कछुवा भयो ।
(स्रोत : घटना र विचार राष्टि्य साप्ताहिक – “इन्द्रेणी”)
