~उज्ज्वल जि.सी~
प्रभुको दर्शन गर्न कसरी म पाऊँ
मनको मन्दिर धाऊं या हरिकिर्तन गाऊँ ।
मानव चोला दिएर कसरी खेल खेलायौ
हृदयवासी भई जीवनलीला आफैले सिकायौ
कुन सामाग्री अर्पण गर्न तिम्रो सामु आऊँ
मनको मन्दिर धाऊं या हरिकिर्तन गाऊँ ।
खुलेनन् नेत्र कहिल्यै धनकै त्यो लोभमा
बित्यो सारा जीवन आज संसारिक मोहमा
थाहा छैन अज्ञानीलाई मृत्यूपछि पुग्ने ठाऊँ
मनको मन्दिर धाऊं या हरिकिर्तन गाऊँ ।
शब्द – उज्ज्वल जि.सी
स्वर – बाला भट्टराई र शोभा तिवारी
संगीत – कृष्णमान डंगोल
