~रामचन्द्र कार्की~
जेजे भयो भइ गयो, अतितलाई बिर्स नेता,
संबिधान बनाउन, सबै मिली घिर्स नेता ।
कयौ बिते जेठ चौध, भदौसंगै मङ्सिर पनि,
तिमीलाई मस्ती भाछ, जनतालाई पिर्छ नेता ।
सर्बोच्चको आदेश छ, छ मैनालाई म्याद थप,
संबिधान नबेन त, देशको शिर गिर्छ नेता ।
सत्ता पक्ष प्रति पक्ष, नभनेरै सबै दलले,
संबिधान जारी गर, जिम्मा दलका शिर्ष नेता ।
रोल्पा अनि झापा संगै, मेचिकाली नजर देउ,
हामी मिले आपसमा, देशले दु:ख चिर्छ नेता .
November 29, 2011
रामचन्द्र कार्की
आँपपिपल-४ राईगाँउ गोरखा
हाल: रानीपौवा पोखरा-११, कास्की
(स्रोत : रचनाकारको ब्लगबाट सभार)
