~दिव्य गिरी~
रक्सी र मायालुको मात उस्तैउस्तै
मायालु र रक्सीको जात उस्तैउस्तै ।
आँखाभरि आँसु अनि छातीभरि चोट
दुखाई र वेदनाको खात उस्तैउस्तै ।
आˆनै घर आँगनमा युद्ध चर्केपछि
कालो दिन र अँधेरी रात उस्तैउस्तै ।
हाँगाहाँगाबाट भुईंमा जब खस्न थाल्छ
झरेको फूल र पहेँलो पात उस्तैउस्तै ।
कसको कुरा बनावटी कसको कुरा साँचो
बाइफाले र कुटुनीको बात उस्तैउस्तै ।
टीकाथली-५, ललितपुर, काठमाडौं
(स्रोत : मधुपर्क २०६६ जेठ)
