गजल : सबको लगाव हुनुपर्छ

~टिका खड्का ‘राष्ट्रप्रेमी’~

देश् बनाउन सबको लगाव हुनुपर्छ
असल काममा सधैँ झुकाव हुनुपर्छ
.
पढ्नेहरु सबै झार्दै थिए आँसु
त्यो दु:खद गजलको किताब हुनुपर्छ
.
यो मुटु किन हो यसरी दुखेको ?
सायद तिम्रो प्रेमको अभाव हुनुपर्छ
.
आहा! कति मिठो सुवास चलि रा’छ
यति मगमगाउने गुलाब हुनुपर्छ
.
सुरा पिउँदै कट्यो कयौं रात उसको
त्यो सायरलाई ठूलै तनाव हुनुपर्छ

मधुमल्ला – ४, मोरङ