गजल : डर त हुन्छ नि जिन्दगीमा

~इलामेली टीकाराम दुलाल~

कुनै न कुनै कुराको डर त हुन्छ नि जिन्दगीमा
सम्पन्न भए पनि अभर त हुन्छ नि जिन्दगीमा

आजनै वेवास्ता नगरे हुने थियो मलाई समाजमा
सधै जीवन र मृत्युको खबर त हुन्छ नि जिन्दगीमा

बाचुन्जेल मायामोह साटौ मिठो बोलौ हुन्न र ?
मर्दा पनि नामको अटल शिखर त हुन्छ नि जिन्दगीमा

फलाउने फुलाउने मास्ने वा फैलाउने तिम्रो जिम्मा
त्यसैले जो कोहीको नाम थर त हुन्छ नि जिन्दगीमा

२०७३।०७।२५ रोज ५
इलामेली टीकाराम दुलाल
नक्साल

(स्रोत : रचनाकार स्वयंले ‘Kritisangraha@gmail.com‘ मा पठाईएको । )