~राधा भट्टराई~
छिमेकीको हस्तक्षेपले घरमा ठूलो प्रभाव भो !
पठाई देउ उनलाई फेरि घरमा उनकै अभाव भो !!
नसारी अब तिथिमिति सहमतिमा सबै आई !
संविधान लेख भन्दा तिमीलाई दबाब भो !!
कुशासनले गर्दा देशमा फस्टाउँदै गो भ्रष्टाचार !
दिनानुदिन झनझनै प्रशासन खराब भो !!
वनका नेता गाउँ पसे गाउँबाट सहर आए !
सहरमा आएपछि अचम्मको स्वभाब भो !!
अशान्तिमै बित्यो हिजो आज पनि शान्ति छैन !
जुनै जोगी आए पनि देशको लागि सराप भो !!
(स्रोत : सत्यतथ्य मासिक वर्ष २, अंक ३, डिसेम्बर २०१३)
