गीत : छुट्नु अघि मरूँ !

~विक्रम तिमिल्सिना~

बिछोड लेखिएकै भए छुट्नु अघि मरूँ !
तिम्रो मेरो एउटै मुटु फुट्नु अघि मरूँ !

पानी बिना नदी कस्तो होला सोचिहेर,
हावा बिना आकाश कस्तो होला भोगिहेर,
छुट्टीएर मर्नुभन्दा छुट्नु अघि मरूँ !
तिम्रो मेरो एउटै मुटु फुट्नु अघि मरूँ !

तिमीबिना प्वाँख झर्या चरिसरी हुन्छु,
बीचसमुद्रमा खसी शायद पिँध छुन्छु,
बेहोसीले होस मेरो लुट्नु अघि मरूँ !
तिम्रो मेरो एउटै मुटु फुट्नु अघि मरूँ !