गजल : करोडौं मा एक छ

~सुनिता सापकोटा~

हरियाली त्यो बन करोडौं मा एक छ
र नेपाली यो मन करोडौं मा एक छ

एकान्तमा मरौ जस्तो लाग्दा सोच्ने गर्छु
आहा! मेरो जीवन करोडौं मा एक छ

धर्ती जब मलाई फिक्का लाग्छ थाल्छ
हेर्दै भन्छु म गगन करोडौं मा एक छ

भुल्न त म ज्यान जाला सक्दै सक्दिन भो
किनकि नेपाली पन करोडौं मा एक छ

धेरै बाट उसलाई रोज्नुको कारण मैले
तिम्लाइ के था उ झन करोडौं मा एक छ

सुनिता सापकोटा
भोजपुर , चरम्बी
हाल काठमाडौ