~पुष्पा खनाल~
पटक पटक भन्छौ तिमी मुटु दुख्ने गरी
कसो गरी सहँू राजै मनमा गाँठो पारी
तिमी यस्ती तिमी उस्ती सँधै आरोप ला’को सुन्छु
किन लाग्छ तिमीलाई म नै सँधै गलत हुन्छु
सुम्पिएकी थिएँ जीवन तिम्रै भर परी
दोधारमा परेँ आज काटौँ जीवन कसोगरी
अब त भो अति भयो मैले पनि सोच्नु पर्छ
एउटा बाटो कठीन भए अर्को बाटो खोज्नु पर्छ
सहनुको सिमा हुन्छ मुटु छिया पारी
तिम्रै लागि हुँ म भनि भनौँ कसो गरी
पुष्पा खनाल
म्हेपी, काठमाडौं
(स्रोत : रचनाकारको फेसबुकबाट सभार)
