~श्रेष्ठ समनश्री~
धेरै भयो नसोधेको,
तिम्लाई –
र एक्लै अनुत्तरित भएको म,
तिमीजस्तै ।
नढांटी भन –
भर्खरै मेरो दिलको कुनामै ;
छोएर गएको बाडुली,
तिम्रो हो कि होइन?
नढांटी भन –
शिरको बाटुलो चुल्ठिमा,
कस्का लागि हो त्यो,
सिउरेर ल्याएको रातो गुलाब ?
कैले बाटो मन्तिरको चौतारीमा,
कैले क्याफ़े र साइबरमा
टोलाएर आईरहने कस्का हुन ति यादहरु?
नढांटी भन –
कस्का हुन रातमा अबेरसम्म,
ननिदाई एकोहोरो आईरहने कल्पनाहरु?
सपनीमा बर्बराउने प्रेमिल बातहरु ?
धेरै भयो नसोधेको,
तिम्लाई –
र एक्लै अनुत्तरित भएको म,
तिमीजस्तै ।
(स्रोत : रचनाकारको ब्लगबाट सभार)
