~कृष्ण पौड्याल~
बियोगमा पिंडा ब्याथा मल्ने प्रयास नगर।
नुन चुक आलो घाउमा दल्ने प्रयास नगर॥
लक्ष्य बिहिन यात्राको गन्तव्य छैन यहाँ।
अधुरो जिन्दगी हो चल्ने प्रयास नगर॥
प्राप्ती गर्ने भए परिश्रम तिम्ले गर्नै पर्छ।
फुल नआई कोपिलामै फल्ने प्रयास नगर॥
आगो बाल्न हैन अचेल खरानी फु फु गर्छन।
मट्टितेल साक्षी राख्दै जल्ने प्रयास नगर॥
माकुराको जाल अनी माया जाल स्वयम रैछ॥
प्रकटमा आउदिन म छल्ने प्रयास नगर॥
कृष्ण पौड्याल
बम्घा एक गुल्मी
(स्रोत : रचनाकारको ब्लगबाट सभार)
