~टिका खड्का ‘राष्ट्रप्रेमी’~
न त भित्र न बाहिर संघारमा परेको छु ।।
आगो या म पानी रोजूँ दोधारमा परेको छु ।
.
खै कसोरी पार गरूँ ? खतराको सिमारेखा ।
खुकुरीको घेरा माँझ तरबारमा परेको छु ।।
.
सबै मेरा खुशी लुटी आफू हाँस्दै बाँचेकाछन् ।
मानवता रित्तिएको संसारमा परेको छु ।।
.
कति सम्म दुख्छ छाती केही क्षणमा थाहा होला !
भर्खरै त फूलहरुको प्रहारमा परेको छु ।।
.
आजै या त भोलि बग्छ भर् रहेन जिन्दगीको ।
बर्खे भेल् छ उर्लिएको किनारमा परेको छु ।।
मधुमल्ला – ४, मोरङ
