~अभागी कान्छा गाउँले~
मेरो माया तिम्ले अचेल, मारेर पो के हुन्छ र !
दिल्को बाटो काँडे तारले, बारेर पो के हुन्छ र !!
मुटु भित्र छुरा चलाई, नचिने झैँ गरि तिम्ले
मनै मारी सधै बसाइँ, सारेर पो के हुन्छ र !!
जहाँ देखे ढुङ्गा अबिर, तिम्रै लागि पुज्ने गर्छु !
दुनियाँको नजर बाट, झारेर पो के हुन्छ र !!
तिम्रै खुशी मागी रहन्छु, आँशुमा म डुबे पनि
बाटै मोडी क्षितिज पारि, तारेर पो के हुन्छ र !!
तिमी सुखी देख्न चाहाने, उठे पनि बस्ति मेरै
जिताएर सधै तिम्लाई, हारेर पो के हुन्छ र !!
तिमि बिना एक्लै जिउन, जानेर नै बाँची रा’छु !
सबै बाट एक्लो मलाई, पारेर पो के हुन्छ र !!
तोपगाछी, झापा
हाल:- मईक्रोचिप कम्प्युटर एण्ड मार्केटिंग
दोहा – कतार
