कविता : बाँसुरी

~देवेन्द्र नेपाली~

तातो रसिलो ओठ र बाँसुरी
हे प्रभु मलाई बाँसुरी बनाऊ
र, प्रियतमाको रातो ओठसम्म पु¥याऊ
सास फुकेर राग रागिनीको
मलाई जीवनमय बनाओस्
सम्पूर्ण ऊर्जाहरू मायाको सलल बगाओस्

म मुग्ध भएर भावातित ध्यानमा
मधुर ध्वनि बाहेक केही नरहुँ
नरम स्वर बाहेक केही नरहुँ
बगिरहँु, बगिरहुँ अनन्त अन्तरिक्षसम्म
सृष्टिको प्रत्येक अणुलाई अङ्कमाल गरेर
म बाँसुरी बाहेक केही नरहुँ ।

(स्रोत : हिमाल खबर)