~पुष्पा खनाल~
गल्ती भन या भूल गरें
जे गरें मैले माया गरें
तिमीलाई केवल तिमीलाई
दुई मुटु एउटै बनाउने
पराईलाई आफ्नो भनाउने
सृष्टिको वर हो माया
ईश्वरको घर हो माया
धोका भन या छल गरें
जे गरें मैले माया गरें
तिमीलाई केवल तिमीलाई
ढुंगालाई पनि पगाल्न सक्ने
शत्रुलाई पनि अंगाल्न सक्ने
माया नै हो मूल मन्त्र
खोज्दै जाउँ कहाँ अन्त?
कर भन या बल गरें
जे गरें मैले माया गरें
तिमीलाई केवल तिमीलाई
कति दिन सक्छौ बस्नलाई चुप
नगर घमण्ड त्यस्तै हो रुप त
रुप त ओसिलो छाया
मनले गर्ने हो माया
चोट भन या खोट गरें
जे गरें मैले माया गरें
तिमीलाई केवल तिमीलाई
पुष्पा खनाल
म्हेपी, काठमाडौं
१५–०८–२०६७
