~गोविन्द पुन ‘गिरीश’~
भेदभाव र छुवाछूत सबै मिली हटाऊँ
कुरीति र कुसंस्कारलाई बिदा गरी पठाऊँ
काटे रगत सबको रातो केही छैन अन्तर
अन्धकार र अन्धविश्वास समाजबाट घटाऊँ
रुढीवादी संस्कृतिको उखेलौँ जरो
मानव निर्मित संरचना फेर्न बाटो तताऊँ
सानो ठूलो जात हुन्न सबै सामाजिक प्राणी
सभ्य सुन्दर समाज बनाई मानव जुनी कटाऊँ
श्रम र सीपका धनी संस्कृतिका खानी
उसैलाई अछुत किन बनाको हो बताऊँ ।
-चुन्वाङ, रुकुम
(स्रोत : मधुपर्क २०६५ माघ)
