~बीजे विद्रोही राई~
शहर फेरिएछ, रुप फेरिएछ गाम उस्तै लाग्यो ।
नेता फेरिएछन् कुर्सी फेरिएछ काम उस्तै लाग्यो ।।
विकासको ढोंग फुक्दै महलबाट मेचीकाली हेर्ने
छानोविहीन जनताको थाप्लो सेक्ने, घामउस्तै लाग्यो ।
किसान–सर्वहाराले पेट पाल्न ठेला र रिक्सा तान्दा
महल बसी रिमोट चलाउनेको जामउस्तै लाग्यो ।
इतिहासदेखि विक्षिप्त र अपदस्त नेपाल आमा,
मल्हमपट्टी गर्नेले नै देको निल–डाम उस्तै लाग्यो ।
रुकुम–रोल्पा, इभाङ–सुखानी कर्णालीको व्यथा त्यस्तै
बन्दुकको भयले फेरि चुनावमा लामउस्तै लाग्यो ।
बीजे विद्रोही राई
भोजपुर
हाल इजरायल
(स्रोत : विश्वन्युज डट कम )
