~शशीकला थापा सुब्बा~
टुक्रा-टुक्रा जिन्दगी यो, बाँचीदिएकै छु.
मन्द-मन्द निस्वास यो,साँचीदिएकै छु.
सधैभरी बसन्त नै, कहाँ झुलिरहंछ.
ऋतुसंगै जीवन यो, यहाँ डुलीरहन्छ.
चाहनाको फूलहरु, झर्न नपाउदै.
थुंगा-थुंगा बटुलेर, गाँसीदिएकै छु.
टुक्रा-टुक्रा जिन्दगी यो, बाँचीदिएकै छु.
बाटोभरी खुशीमात्र, कहाँ भेटिन्छ र
आँशुले नि मृगतृष्णा, कैले मेटिन्छ र
परेलीमा मोतिहरु सुक्न नपाउदै
थोपा-थोपा खसालेर, हाँसीदिएकै छु
टुक्रा-टुक्रा जिन्दगी यो, बाँचीदिएकै छु.
हाल : लण्डन
(स्रोत : रचनाकारको फेसबुकबाट सभार)
