~दिनेश राज पुरी~
छोराले खै के दिन्छन् बाले धड्कन दिइरहेछन्
आमाहरुले प्रत्येक सासको कम्पन दिइरहेछन्
खै यो पागलपन या प्रेम? प्रेमी प्रेमिकाहरु
जस्ले मुटु चुड्छ उसैलाई मन दिइरहेछन्
र त शब्दमा बाँच भनेको, ऊ खरानी भैसक्यो
उस्का अक्षरहरुले उस्लाई जीवन दिइरहेछन्
यी ईश्वर जी पनि उदेकका छन् बा!-टुहुराको
घर लुटिरहेछन् सट्टामा आँगन दिइरहेछन्
छोराले खै के दिन्छन् बाले धड्कन दिइरहेछन्
आमाहरुले प्रत्येक सासको कम्पन दिइरहेछन्
-दिनेशराज पुरी
सुनारपानी-९, रामेछाप
(२०७०-०२-०६)
(स्रोत : पल्लव साहित्य प्रतिष्ठान )
