गजल : भेट होला जस्तो लाग्दैछ

~केशब आचार्य ~

तिमीसँग फेरी भेट होला जस्तो लाग्दैछ
प्यास मेरो हृदयको फेरी किन जाग्दैछ ।

बिछोडका घाऊहरु आलै छन छात्तिभित्र
जिन्दगीले फेरी किन तिमीलाई माग्दैछ ।

जति भुलौ भन्दा पनि याद ताजा भै दिन्छ
माया मेरो फेरी किन तिम्रो पछि भाग्दैछ ।

केही थियो सीमा रेखा कोरिएको हामीबिच
अनायस जिन्दगीले किन सिमाना नाघ्दैछ ।

बोल्डर् , कोलोराडो, अमेरिका

(स्रोत : ईलम्जुङ् डट काम)