~सागर सिलवाल~
कपटी र पापी धेरै हुदा छातीभरी देश दुख्छ ।
नेता अन्तर्घाती भैदिदा छातीभरी देश दुख्छ ।
देशले माया गर्ने निस्वार्थी खोजेको छ आज
भीमसेन थापा नहुदा छातीभरी देश दुख्छ ।
बागडोर हातमा हुनेलाई आफ्नो मात्र चिन्ता
बिदेशिका गुलामी सुन्दा छातीभरी देश दुख्छ ।
जननी र जन्मभूमि स्वर्ग भन्दा प्यारो हो
बुझ्नु पर्नेले नबुझ्दा छातीभरी देश दुख्छ ।
भाईभाई फुटे गबार लुटे हुन सक्छ याद गर
सबै नेपाली नमिल्दा छातीभरी देश दुख्छ ।
