~गणेश कार्की~
मलाई माया गर्छु भन्ने ए मान्छे
यसरी नै सधै भरि माया गर्न सक्छौ के?
बसन्त र बहार मात्रै हैन यो जीवन
चल्ने गर्छ यदाकदा होस् उडाउने तुफान.
खुसीमा मुहार भरि मुस्कान दिए जस्तै
दुख पर्दा काखमा शिर राख्न दिन्छौ के?
जुन भनि फुल भनि तिमीलाई बोलाउँला
रिसाउदै बिनाकारण चित्त दुखाउला.
मिठा-मिठा पहिलेका कुरा मनमा खेलाउदै
कहिलेकहिको झर्को फर्को सहन सक्छौ के?
February 18, 2010
(स्रोत : रचनाकारको ब्लगबाट सभार)
