~पुष्प अधिकारी “अन्जली”~
देशभित्र यतिधेरै सङग्राम देखिरहेछु ।
बन्द हडताल र चक्काजाम देखिरहेछु ।
के भयो फेरी यो रोगी आकाशमा आज,
अव्यक्त रोइरहेको घाम देखिरहेछु ।
अँध्यारोहरूका बिरूध्द जूनकिरीहरुले क्रान्ति गर्दै गर्दा ,
अस्तित्वका लागि जून ताराको धर्तीमा लाम देखिरहेछु /
किन दौडिन्छन् यूवाहरू हुलका हुल प्रदेशतिर ,
आफ्नै देशभित्र यतिधेरै काम देखिरहेछु ।
के पुगेन र तैँले राहादानी बेचिस “पुष्प”
अख्तियारको कालो सूचिमा तेरो नाम देखिरहेछु
