~तारा प्रसाद अधिकारी~
नर होस् या नारी जाती,पिरो आचार नचाट्नु है
बिना सम्झें बिना बुझें ,मनको बह नसाट्नु है
संच आराम दु:ख सुख, साचो बोल्नु नढाट्नु है
अपरिचित स्वार्थीसंग ,मनको बह नसाट्नु है
फकाई फुल्याई मन लुट्लान,धन तन नलुटाउ है
सुन्दर झुटा तत्वसंग , मनको बह नसाट्नु है
झरी देलान तारा जुन ,कागको पछी नकुद् नु है
कालान्तरमा खिन्न आत्मा , मनको बह नसाट्नु है
उर्ल्ली आउने खहरेलाई बाधक बनी नरोक्नु है
क्षणिक लाग्ने ग्रहणसंग , मनको बह नसाट्नु है
सार्वजनिक धारा कुवामा ,पानी प्यास नमेट्नु है
अस्त ब्यस्त चौबाटालाई , मनको बह नसाट्नु है
